ജില്ലാ കലോത്സവം മീഡിയ റൂം ഉദ്ഘാടനം
2017 ജനുവരി 3 മുതൽ 7 വരെ കുന്നംകുളത്തുവെച്ചു നടക്കുന്ന 29-)മത് തൃശൂർ റെവന്യൂ ജില്ലാ സ്കൂൾ കലോത്സവത്തിന്റെ മീഡിയ റൂം, ഫേസ്ബുക്, ബ്ലോഗ് എന്നിവയുടെ ഉദ്ഘടനം കുന്നംകുളം ഗവെർന്മെന്റ് മോഡൽ ബോയ്സ് സ്കൂളിലെ വി എച് എസ് ഇ യുടെ പുതിയ കെട്ടിടത്തിൽ വെച്ച് നടന്നു.
പ്രശസ്ത കവിയും ഗാനരചയിതാവുമായ ശ്രീ ഹരിനാരായണൻ ആണ് ഉദ്ഘടനകർമ്മം നിർവഹിച്ചത്. ഹിറ്റ് സിനിമകളായ ഒപ്പം, പുലിമുരുകൻ തുടങ്ങിയ സിനിമകളിലെ ഗാനരചയിതാവ് കൂടിയാണദ്ദേഹം.ചാവക്കാട് ഡിഇഒ ശ്രീമതി എൻ ആർ മല്ലിക അധ്യക്ഷയും കുന്നംകുളം പ്രസ് ക്ലബ് പ്രസിഡന്റ് ശ്രീ ടെന്നി പുലിക്കോട്ടിൽ മുഖ്യ അതിഥിയും ആയിരുന്നു. പബ്ലിസിറ്റി കമ്മിറ്റി ചെയർപേഴ്സണും കൗൺസിലറുമായ ശ്രീമതി ബീന ലിബിനി,ശ്രീ ലബീബ് ഹസ്സൻ ,ജോൺസൺ നമ്പഴിക്കാട് , എന്നിവർ ആശംസകളർപ്പിച്ചു.കൺവീനർമാരായ ജാബിർ എം എ, ഉണ്ണികൃഷ്ണൻ , ഗഫൂർ, രാമൻ ,ഹെൻസിൻ സി ഒ ,രാഹുൽ ചുങ്കത്ത് എന്നീ അധ്യാപകർ സംബന്ധിച്ചു. പബ്ലിസിറ്റി കമ്മിറ്റി വര്‍ക്കിംഗ് ചെയർമാൻ ശ്രീ ജോസ് മാളിയേക്കൽ സ്വാഗതവും, കൺവീനർ സായൂജ് എസ് ചുങ്കത്ത് നന്ദിയും പറഞ്ഞു.
